Te amuiraa
A haapii hau atu â no ni'a i te mau tuhaa o te Amuraa maa a te Fatu.
Te oro'a no te Amuraa maa a te Fatu
I roto i te peu tumu no te Oire no te Mesia, e horo'ahia te oro'a no te Amuraa maa a te Fatu ei tumu rahi i te sabati matamua o te ava'e tata'itahi, e tae noa'tu i te tahi atu mau taime tano no te putuputu i roto i te oraraa o te ekalesia. Te hoê tumu matamua no teie oro'a, o te haamana'oraa ïa i te oraraa, te poheraa, te ti'a-faahou-raa, e te vairaa tamau o Iesu Mesia.
Te mau tuhaa o te ohipa no te amuiraa
E mea ti'a ia niuhia te poro'i i ni'a i te oro'a no te Amuiraa. E nehenehe te irava tumu e faaôhia i roto i teie poroi aore ra e horoahia ei poroi taa ê.
A maiti i te hoê tai'oraa irava no roto mai i te mau papa'iraa mo'a i muri nei o te haamau i te oro'a i roto i te mau papa'iraa mo'a e te aamu kerisetiano.
1 Korinetia 11:23–26; Mataio 26:17–30, Mareko 14:12–26; Luka 22:7–39
E nehenehe atoa te reira e faataa-ê-hia i roto i te “Haamana'oraa e te horo'araa i te pane” i muri mai i te “Haamana'oraa e te horo'araa i te uaina.”
Te titau-manihini-raa i te amuiraa
Ua riro te Amuraa maa a te Fatu ei oro'a e haamana'o ai tatou i te oraraa, te poheraa, te ti'a-faahou-raa, e te vairaa tamau o Iesu Mesia.
I roto i te Oire no te Mesia, te farii atoa nei tatou i te amuiraa ei rave'a no te faaapî i ta tatou fafauraa bapetizoraa e no te haamauhia ei mau pĭpĭ o te ora nei i te misioni a te Mesia. E nehenehe te tahi atu mau taata e farii i te mau ite taa ê aore ra e taa ê atu â i roto i to ratou mau peu tumu faaroo. Te titau manihini nei matou i te mau taata atoa e amui atu i roto i te Amuraa maa a te Fatu ia rave i te reira na roto i te here e te hau o Iesu Mesia.
